About admin

This author has not yet filled in any details.
So far admin has created 28 blog entries.

നിങ്ങളുടെ വിവാഹാഘോഷം നിറപ്പകിട്ടാർന്നതാക്കാം, ഒരു മുത്തശിക്കഥ പോലെ!

By | 2017-09-13T11:56:29+00:00 September 13th, 2017|Categories: Finance|

ഇന്റർനെറ്റിലൊക്കെയൊന്ന് പരതിയാൽ ഒരുപാട് നല്ല തീമുകൾ ഇന്ന് കിട്ടും. ടാബ്ലെറ്റിനോ, മൊബൈലിനൊ മറ്റോ വേണ്ടി ഡൌണ്‍ലോഡ് ചെയ്ത് ഉപയോഗിക്കാനാണെന്ന് കരുതിയെങ്കിൽ തെറ്റി, പറഞ്ഞത് വിവാഹത്തിന് വേണ്ടിയുള്ള തീമുകളെ കുറിച്ചാണ്! കേവലം പൂക്കൾ കൊണ്ട് മാത്രം സ്റ്റേജ് അലങ്കരിച്ചിരുന്ന ഓൾഡ്‌ ഫാഷൻ വെഡ്ഢിങ്ങിൽ നിന്ന് പലരും തീം ബെയ്സ്ഡ് വെഡ്ഢിങ്ങിലേക്കെത്തി.

തീരുമാനം തിളക്കമുള്ളതാകുമ്പോൾ ക്ഷണക്കത്തും തിളക്കമുള്ളതാവണ്ടെ?

By | 2017-09-13T11:55:09+00:00 September 13th, 2017|Categories: Uncategorized|

പഴയ ഇൻലന്റുകൾ ഇമെയിലായും, ക്രിസ്മസ്-ന്യൂയർ കാർഡുകൾ ഇ-കാർഡായും പരിഷ്കാരികളായപ്പോൾ കല്യാണക്കുറികൾ മാത്രം പാവം നമ്മുടെ തപാൽ വകുപ്പിനെയും, കാർഡ് പ്രിന്റേഴ്സിനെയും കൈവിട്ടില്ല. ആശ്വാസം! വെഡ്ഢിങ്ങ് കാർഡുകൾ അന്നുമിന്നും പലർക്കും പ്രൗഡിയുടെ പര്യായമാണ്. 'പേപ്പർ വാഴയിലയിൽ വിളമ്പിയപ്പോഴേ പെണ്ണുവീട്ടുകാരുടെ ബുദ്ധി മനസ്സിലായി' എന്ന പരസ്യവാചകം പോലെ കാർഡിന്റെ എടുപ്പ് കണ്ട് വായിക്കുന്നവർ മനസ്സിലാക്കട്ടെ നമ്മുടെ സെറ്റപ്പ് എന്നാണ് ഇന്നും പലരുടേയും മൈൻഡ്സെറ്റ്.

ജീവിതത്തിലെ കണക്കു കൂട്ടലുകൾ തെറ്റാതിരിക്കാൻ വേണം നല്ലൊരു കുടുംബ ബഡ്ജറ്റ്.

By | 2017-09-13T11:52:03+00:00 September 13th, 2017|Categories: Finance|

വിവാഹശേഷം ഭാര്യാ പദവിയുടെ കൂടെ ഓട്ടോമാറ്റിക്കായി വന്നു ചേരുന്ന ഒരു ചുമതലയാണ് കുടുംബത്തിലെ ധനകാര്യമന്ത്രി പദം. സർക്കാർ മന്ത്രിയാവുമ്പോ പൊതു ബഡ്ജറ്റും ഇടക്കാല ബഡ്ജറ്റും മാത്രം തയ്യാറാക്കിയാൽ മതിയെങ്കിൽ കുടുംബത്തിലെ മന്ത്രിക്ക് മാസം മാസം ഓരോ ബഡ്ജറ്റ് വീതം തയ്യാറാക്കണം. അച്ഛന്റെയോ അമ്മയുടെയോ തണലിൽ വളർന്നവരാവും അധികമാളുകളും എന്നുള്ളതുകൊണ്ട് തന്നെ ഒരു കുടുംബം നടത്തുന്നതിനെ കുറിച്ച് യാതൊരു ക്ളൂവും പലർക്കും ഉണ്ടാവില്ല.

നീണ്ടകാലം നിലനിൽക്കട്ടെ നല്ല തീരുമാനങ്ങളുടെ തിളക്കം

By | 2017-09-13T11:49:17+00:00 September 13th, 2017|Categories: Uncategorized|

വിവാഹശേഷം സ്ത്രീകളെ സംബന്ധിച്ച് മാറ്റങ്ങളുടെ ഒരു ഘോഷയാത്ര തന്നെയാണ്. ഇത് മുന്നേ അറിയാവുന്നതുകൊണ്ടാകണം ദൈവം സ്ത്രീയ്ക്ക് എന്തിനോടും പൊരുത്തപ്പെടാനുള്ള വിശാലമായ മനസ്സ് നൽകിയത്. പുരുഷനെ സംബന്ധിച്ചിടത്തോളം വിവാഹശേഷം ഉത്തരവാദിത്വങ്ങൾ കൂടും എന്നല്ലാതെ പുതിയ സ്ഥലത്തേക്ക് അല്ലെങ്കിൽ സാഹചര്യങ്ങളിലേക്ക് പറിച്ചുനടൽ പോലുള്ള ഒന്നും ഉണ്ടാവുന്നില്ല. എന്നാൽ സ്ത്രീ ശരിക്കും പുതിയ വീട്, ബന്ധുക്കൾ, ഉത്തരവാദിത്വങ്ങൾ അങ്ങനെ പുതിയ സാഹചര്യങ്ങളിലേക്ക് പറിച്ചു നടപ്പെടുകയാണ്. പെട്ടെന്നൊന്നും മാറ്റങ്ങളോട് പൊരുത്തപ്പെടുക ആർക്കായാലും അത്ര ഈസിയൊന്നുമല്ല, അതുകൊണ്ട് തന്നെ സമയമെടുത്തായാലും അതിനുള്ള വഴികൾ കണ്ടെത്തുക. ആദ്യം ചെയ്യണ്ടത് ഭർത്താവിന്റെ ഭവനത്തെ സ്വഭവനമായി തന്നെ കാണുക എന്നതാണ്.

നല്ല തീരുമാനങ്ങൾക്കൊപ്പം പരക്കട്ടെ സന്തോഷം പകരും സുഗന്ധവും.

By | 2017-09-13T11:46:38+00:00 September 13th, 2017|Categories: Beauty|

കുറേ സമയം ചിലവാക്കി തിരഞ്ഞെടുത്ത വില കൂടിയ വസ്ത്രങ്ങളും, ആഭരണങ്ങളും എല്ലാം അണിഞ്ഞ് എന്നത്തേക്കാളും സുന്ദരിയായി ഒരുങ്ങിയ ശേഷം ഷെൽഫിൽ കാണുന്ന ഏതെങ്കിലും പെർഫ്യൂം, അതിപ്പൊ പുരുഷന് മാത്രമുള്ളതാണോ സ്ത്രീയ്ക്ക് മാത്രമുള്ളതാണോ എന്നൊന്നും നോക്കില്ല, മിക്കവാറും വിദേശത്തുള്ള ബന്ധുക്കൾ നാട്ടിൽ വിസിറ്റിനു വരുമ്പോൾ ചുമ്മാ ഒരു സന്തോഷത്തിന് തന്നിട്ട് പോകുന്ന ബ്രൂട്ട് പോലുള്ള ബ്രൂട്ടൽ ഗന്ധമുള്ള സ്പ്രേ എടുത്തങ്ങ് വാരിപ്പൂശും. അതാണ്‌ പൊതുവെ മിക്കവരും ചെയ്യാറ്.

മുഖക്കുരുവിലല്ല കവിളിലൊളിപ്പിച്ച നുണക്കുഴിയിൽ തെളിയട്ടെ നല്ല തീരുമാനങ്ങളുടെ തിളക്കം

By | 2017-09-13T11:44:19+00:00 September 13th, 2017|Categories: Beauty|

ആരെങ്കിലുമൊക്കെ നമ്മളെ മോഹിക്കുമ്പോഴാണത്രേ നമുക്ക് മുഖക്കുരു അഥവാ മോഹക്കുരു ഉണ്ടാകുന്നത് എന്ന് പ്രായമുള്ളവർ പറയുന്നത് കേൾക്കാം. പക്ഷേ സത്യത്തിൽ കൗമാര പ്രായത്തിൽ ശരീരത്തിലുണ്ടാകുന്ന ഹോർമോണുകളുടെ ഏറ്റക്കുറച്ചിലുകളാണ് മുഖക്കുരു ഉണ്ടാക്കുന്നത്‌. മുഖക്കുരു ചിലർക്ക് നുണക്കുഴി കവിളുകളിലാവും, ചിലർക്ക് ഹെഡ് ലൈറ്റ് പോലെ നെറ്റിയിലാവും, ചിലയാളുകൾക്ക് ഇന്ന സ്ഥലമെന്നൊന്നുമില്ലാതെ മുഖത്ത് മുഴുവനും വരും. വന്നത് പൊട്ടിച്ചാൽ കറുത്ത പാടുകൾ വീഴുമെന്നും കുരുക്കൾ കൂടുമെന്നും അറിയാമെങ്കിലും അതെങ്ങിനെയെങ്കിലുമൊക്കെയൊന്ന് തൊട്ട് പൊട്ടിച്ച് നിർവൃതിയടഞ്ഞില്ലെങ്കിൽ ചിലർക്ക് ഉറക്കം കിട്ടില്ല. മുഖം നന്നായി കഴുകി വൃത്തിയായി സൂക്ഷിക്കുക എന്നതാണ് മുഖക്കുരു തടയാനുള്ള ഏറ്റവും നല്ല പ്രതിവിധി. കഴിയുമെങ്കിൽ രാത്രി ഉറങ്ങുന്നതിന് മുന്നേ മുഖത്ത് ആവികൊണ്ട ശേഷം തണുത്ത വെള്ളത്തിൽ കഴുകുക.

നല്ല തീരുമാനങ്ങൾ നടപ്പിലാക്കാം സൂപ്പർ സോഫ്റ്റ്‌ ചർമ്മത്തോടെ

By | 2017-09-13T11:42:36+00:00 September 13th, 2017|Categories: Beauty|

റെക്സോണ സോപ്പിന്റെ പരസ്യവാചകം പോലെ ചർമം പട്ടുപോലെ മൃദുവായാൽ മാത്രം പോര ഒരൊറ്റ രോമം പോലുമില്ലാതെ മഴത്തുള്ളികൾ ഇളകിക്കളിക്കുന്ന പുതിയ കുടയുടെ പ്രതലം പോലെയോ അല്ലെങ്കിൽ ചേമ്പില പോലെയോ ഒക്കെ സോഫ്റ്റായ മെഴുക് പോലുള്ള ചർമമാകണം അതാണിപ്പോഴത്തെ ഒരു ഫാഷൻ. പണ്ട് ഷേവർ ഉപയോഗിച്ച് ശരീരത്തിലെ അനാവശ്യ രോമമെല്ലാം നീക്കം ചെയ്യുക എന്നുള്ളത് ഒരു പ്രായോഗിക ബുദ്ധിമുട്ടായിരുന്നതുകൊണ്ട് അത്യാവശ്യം നീക്കം ചെയ്യേണ്ട കക്ഷങ്ങളിലേയോ മറ്റോ രോമം മാത്രം നീക്കം ചെയ്ത് തൃപ്തിയടഞ്ഞിരുന്ന ആളുകൾക്ക് കയ്യിലേയും കാലിലേയും എന്തിന് ശരീരത്തിലെ കംമ്പ്ളീറ്റ് രോമങ്ങൾ നീക്കം ചെയ്യുന്നത് ഇന്നൊരു പ്രശ്നമല്ല താങ്ക്സ് റ്റു വാക്സിംങ്ങ് ആൻഡ്‌ ഹെയർ റിമൂവൽ ക്രീംസ്.

വിവാഹ ശേഷം ജീവിതത്തിൽ മാത്രമല്ല നിയമപരമായ രേഖകളിലും വേണം മാറ്റം.

By | 2017-09-13T11:40:28+00:00 September 13th, 2017|Categories: Uncategorized|

വിവാഹം കഴിഞ്ഞാൽ വീടും വിലാസവും മാറും, ഉത്തരവാദിത്തങ്ങൾ മാറും, ജീവിത സാഹചര്യങ്ങള്‍ മാറും. എന്തിനേറെ, വർഷങ്ങളോളം ഒരു വാലായി പേരിനു പ്രൗഢി നല്കിയ അച്ഛന്റെ പേര് വരെ മാറാം. നിർബന്ധമൊന്നുമല്ലെങ്കിലും വിവാഹശേഷം അച്ഛന്റെ പേരുമാറ്റി പകരം ഭർത്താവിന്റെ പേര് ചേർക്കുന്നവരാണ് കൂടുതലും. അതൊരു പരസ്പര ഐക്യത്തിന്റെ കൂടെ അടയാളമാണല്ലോ. അങ്ങനെ പേര് മാറ്റുകയാണെങ്കിൽ കൂടെ പല പ്രമാണങ്ങളും അതിനോടൊപ്പം മാറ്റേണ്ടി വരും.

നിങ്ങളുടെ ചെഞ്ചുണ്ടുകൾ വിളിച്ചോതട്ടെ നിങ്ങളുടെ നല്ല തീരുമാനത്തിന്റെ തിളക്കം

By | 2017-09-13T11:37:29+00:00 September 13th, 2017|Categories: Beauty|

സോഫ്റ്റായ ചുവന്ന ചുണ്ടുകള്‍ എന്നുള്ളത് ഘോരഘോരം സിഗററ്റും ബീഡീം വലിച്ചു തള്ളുന്ന പുരുഷകേസരികളുടെ പോലും സ്വപ്നമാണ് എന്നിരിക്കെ സ്ത്രീകളുടെ കാര്യം പ്രത്യേകം എടുത്ത് പറയേണ്ടതില്ലല്ലോ. ക്യൂട്ടക്സുകളെപ്പോലെത്തന്നെ ഒരായിരം നിറങ്ങളിലുള്ള ലിപ്സ്റ്റിക്കുകളും ഇന്നുള്ളതുകൊണ്ട് ചുവപ്പ് മാത്രമല്ല ഇഷ്ടമുള്ള ഏത് നിറം വേണമെങ്കിലും നിങ്ങളുടെ അധരങ്ങൾക്ക് നല്കാം. ഇപ്പോഴത്തെ ട്രെന്റായ ബേബി ലിപ്ബാമിന്റെയോ, ലിപ്സ്റ്റിക്കിന്റെയോ ഒന്നും സഹായമില്ലാതെ ചുണ്ടുകള്‍ക്ക് നാച്ചുറല്‍ ചുവപ്പ് ലഭിക്കാന്‍ നെല്ലിക്ക നീര് തേനില്‍ ചാലിച്ച് പുരട്ടുകയോ, ഒലിവ് ഓയല്‍ പഞ്ചസാരയില്‍ ചേര്‍ത്ത് ചുണ്ടുകളില്‍ മൃദുവായി ഉരസുകയോ, വെള്ള ചന്ദനം അരച്ച് ചുണ്ടിലിടുകയോ,

പൊട്ട് തൊടണം പൊന്നും കുടമായാലും !

By | 2017-09-13T11:35:58+00:00 September 13th, 2017|Categories: Beauty|

ജീൻസിന്റെ കൂടെ പൊട്ട് എന്നത് കൂളിംഗ് ഗ്ളാസിന്റെ കൂടെ ചന്ദനക്കുറി എന്ന് പറയുന്നപോലെ എവിടെയൊക്കെയൊ ഒരു ചേർച്ചക്കുറവുള്ളത് കൊണ്ട് ജീൻസിനൊഴികെയുള്ള എല്ലാത്തരം വസ്ത്രങ്ങൾക്കും പൊട്ട് ഒരു പ്രത്യേക ഭംഗിയാണ്. നമ്മുടെ പുരികങ്ങൾക്കിടയിലായുള്ള, ഹിന്ദു ആചാര പ്രകാരം ആജ്ഞ ചക്ര എന്നും, സൂഫി ആചാര പ്രകാരം ഖാഫി അറിയപ്പെടുന്ന ബിന്ദുവിലാണ് ശരീരത്തിലെ പ്രാധാന നാഡികൾ സംഗമിക്കുന്നത്. ഉണർവിന്റെ സ്ഥാനത്തെയാണ് ഇത് പ്രതിനിധീകരിക്കുന്നത്.